Institut
Pleds actuals
-
METTER - en elavuraziun
verb fitg frequent...
-
MERDA - en elavuraziun
‘Dreck, Kot…’... -
MARTÈ - tom 12, p. 359ff.
‘Hammer’...
En general
L’Institut dal Dicziunari Rumantsch Grischun – curt il IDRG – edescha l’ovra dal DRG
L’Institut dal Dicziunari Rumantsch Grischun (IDRG) cun sedia a Cuira publitgescha il pli grond vocabulari rumantschs. Quel cuntegna l’entir stgazi da pleds da tut ils idioms e dialects, documentà a partir dal 16avel tschientaner fin al di dad oz, inclusiv la lingua discurrida.
Il DRG è in dals quatter vocabularis naziunals da la Svizra. Ils ulteriurs instituts sa chattan a Turitg (Idiotikon; Wörterbuch der schweizerdeutschen Sprache), Neuchâtel (Glossaire des patois de la Suisse romande) e Bellinzona (Vocabolario dei dialetti della Svizzera italiana).
La Cartoteca maistra
Questiunaris Planta e Melcher/Pult
Cun agid da questiunaris han ils piuniers dal DRG Robert de Planta e Florian Melcher collecziunà ensemen cun Chasper Pult ina massa da material linguistic, sin il qual la redacziun sa basa anc oz. I sa chapescha atgnamain da sez che quests documents vegls da tschient onns e nunremplazzabels èn mess en salv en il DRG. Latiers exista er ina copia da microfilm, ed en il rom d’in project da plirs onns vegn il questiunari registrà en ina banca da datas per garantir la disponibladad a lunga vista.
