Novitads

Nov fascichel dubel

Fascichel dubel 190/191

L’october 2019 è cumparì il fascichel dubel 190/191 dal DRG cun la seria da MICHEL fin MINA II.

Tranter quests dus pleds legian ins p.ex. ch’i deva ina giada a Susch ils frars MICHEL, dus umens fitg ferms. U (gist per restar tar quest pled): Savevas Vus ch’ils Tudestgs u era be ils Grischuns da lingua tudestga vegnivan numnads ils Michels?

Ch’ina MICLA u SMIULA è ina mieula (da paun) u insumma ina pitschna quantitad dad insatge, quai savain nus. Ma savevas Vus che MICLAS pon er esser flocs da paintg che nodan durant far paintg? Ed ina da las nundumbraivlas denominaziuns per ina persuna pedanta è era da chattar sut MICLA: il spartamiclas.

En l’artitgel MIGLUNS, MALUNS chattan lecturas e lecturs numerusas furmas per cuschinar questa spaisa da tartuffels (mintgatant perfin senza tartuffels). Ed anc dapli datti da leger: in MIGLUN po er esser ina persuna plitost nunsentimentala, setga e fraida.

En quest senn: buna lectura e bun appetit! Il nov fascichel pudais Vus retrair en nossa butia online.
Fascichel dubel 190/191