Purschida

NOSSA FOTOTECA

Vista da Muottas Muragl sin
San Murezzan l’onn 1922
(Fotografia: Collecziun DRG)

Fototeca

L’archiv da maletgs da l’Institut dal DRG cumpiglia 28’000 fotografias, dissegns e skizzas

Essend ch’il DRG è in’ovra illustrada cuntegnend ultra dals artitgels lexicals era da quels enciclopedics, han ins stuì rimnar da bell’entschatta era material illustrativ (cunzunt da la cultura purila ed artisanala d’antruras). Plinavant ha il DRG era pudì surpigliar bleras fotografias: uschia per sumeglia las collecziuns da Walram Derichsweiler e da Christian Meisser cun maletgs dals emprims decennis dal 20avel tschientaner. Medemamain ertà è il material original davart la perscrutaziun da la chasa purila en il Grischun conservà en singulas mappas. Quellas cuntegnan vegl material illustrativ da tut las vischnancas grischunas per part anc inedì.
La fototeca dal DRG è er accessibla online: http://shop.drg.ch/drgshop/fototecaNew.aspx

Ella cumpiglia ca. 28’000 fotografias, dissegns e skizzas da las sequentas collecziuns:

1. Collecziun Walram Derichsweiler (2000 dias da vaider)

2. Collecziun Christian e Hans Meisser (5000 fotografias)

3. Collecziun DRG (8000 fotografias)

4. Collecziun Perscrutaziun Chasa purila GR (7000 fotografias)

5. Collecziun Alfons Maissen (5000 fotografias)

6. Collecziun Willy Zeller (ca. 700 fotografias)

7. Dissegns e skizzas (ca. 300)