Venderdi, ils 12 da matg 2023 a las 20.00 en la Sala 2 dal Hotel Chur a Cuira, referescha Stefano Negrinelli davart ils svilups da tscherts sistems linguistics succedids durant ils 100 onns passads. Basa dal referat è la racolta da l’AIS (Atlas linguistic ed etnografic da l’Italia e la Svizra meridiunala). Quel veva registrà datas linguisticas durant in decenni a partir dal 1919. 100 onns pli tard vegnan danovamain fatgas registraziuns – tranter auter era da Stefano Negrinelli en il territori rumantsch. En ses referat dat el ina survista dals resultats e las tendenzas en ils svilups, sa focussond cunzunt sin la palatalisaziun dals suns latins K e G.

Il referat (en lingua tudestga) suonda a la radunanza generala da la Societad Retorumantscha (SRR). Il referat è public ed era betg commembras e betg commembers da la SRR èn envidadas/envidadads cordialmain. Suenter il referat offrescha la SRR in aperitiv.


«Der AIS hundert Jahre später: Ein Überblick, mit besonderem Fokus auf die Palatalisierung von lateinisch K und G.» Venderdi, 12 da matg 2023, 20.00 en il Hotel Chur (sala 2), Welschdörfli 2, Cuira.